Udal Albisteak

RUPER ORDORIKA - KONTZERTUA BERTAN BEHERA

OHAR GARRANTZITSUA

Ruper Ordorikaren taldekide baten osasun arazoak direla eta, bertan behera utzi behar izan dugu irailaren 19an Murgian ematekoa zuen kontzertua.
Emanaldia aurrerago egingo dugu. Data zehaztu bezain laster jakinaraziko dizuegu. Sarrera hartuta dutenek, sarrera hori gordeta izango dute data berrirako.

Barka eragozpenak, eta izan ondo!

Irakurri

ETXEKO KONPOSTAJEA. Apuntatuko zara?

 

  • Zuiako Udalak formakuntza eta materialak doan eskaintzen dizkizu

Zuiako Udalak lanean jarraitzen du hondakinen kudeaketa-eredu arduratsu eta jasangarria sustatzeko. Jatorri organikoei dagokionez, eredu deszentralizatu baten alde egiten dugu, KONPOSTAJEA sustatuz.

Zuian urteak daramatzagu konpostaje komunitarioan lanean, Murgiako Bigiliano eta San Martin kaleetako proiektuekin. Eta etxeko konpostajean ere bai; orain kanpaina berri bat jarri dugu martxan, etxean konpostatzera animatzeko. Interesa baduzu, ETXEAN KONPOSTATZEKO MATERIALAK doan eska ditzakezu (banakako konpostagailua + aireztagailua + kubo txikia). Eta urriaren 1ean, osteguna, udaletxearen 1. solairuan eskainiko dugun prestakuntzan parte hartu.

Informazio gehiago edota materialak nahi izanez gero , idatzi hurrengo emailera: ingurumena@gorbeialdea.eus

Anima zaitez eta bihurtu zure hondakin organikoak ongarri natural! Zugatik. Zuiagatik.

Irakurri

Abian da 2020-2021ean EUSKARA ESKOLETAN izena emateko matrikulazio-kanpaina

Ikasturte berrirako (2020-2021) matrikulazio kanpaina abian da.  Irailean zehar, ikasturte berriko taldeak osatzeko deialdiak egingo ditugu, eta bertan parte hartzera animatzen zaitugu. Ikasturteari urrian emango diogu hasiera eta eskolez gain, hainbat aukera izango dituzu ikasitakoa praktikan jartzeko: mintzalagun, berbalagun taldeak, kultura-emanaldiak eta irteerak, besteak beste. Motibazio asko dago euskara ikasteko, baina, guztien gainetik, euskara ikastera animatzen zaitugu merezi duelako.

Irakurri

ENPLEGU PLANA: bi pertsona kontratatuko ditu udalak

#COVID19  #EnpleguPlana  #Lanbide

Zuiako Udalak bi pertsona kontratatuko ditu, bat jardunaldi osoan eta bost hilabeteko epean, eta bestea %65ko jardunaldian eta 3 hilabeteko epean, eremu eta lorategi publikoen zein altzarien egokitze eta mantentze lanak egiteko, eta baita estolda-zuloak garbitu eta askotariko mantentze lanak egiteko ere.

Hautagaiek bete beharreko baldintzak, epeak eta informazio gehiago, argazkietan eta beheko pdf dokumentuan aurkituko dituzue.

 

Irakurri

2020-2021 ikasturtea: ZAINTZA UDAL ZERBITZUA

 

Murgia, 2020ko irailaren 2a

Datorren ikasturtean zaintzako udal-zerbitzua* martxan jarri ahal izateko, agintari eskudunen oniritziaren zain gaude, eta baita zerbitzua segurtasunez eskaini ahal izateko hartu beharreko neurrien berri eman diezaguten. Bere erantzuna jaso arte, ezingo dugu iragarri martxan jarriko dela.

(*: Zaintza Zuiako Udalak eskaintzen duen zerbitzu bat da, behar duten gurasoek seme-alabak eskolan utzi ahal izan ditzaten eskolak hasi aurretik).

Irakurri