Udal Albisteak

GOSPEL Kontzertua

GOSPEL kontzertua "Goiko gela" taldearen eskutik.
Urtarrilak 31, 18:00etan San Migel elizan
Plaza-kopuru mugatua, gonbidapenak HEMEN

 

Irakurri

Parte hartu! Egin Zuia!

Aurrekontu parte-hartzaileak 2021

Zuiako udalak herritarren prozesu berri bat jarri berri du martxan, udal aurrekontutik 15.000 euro nola inbertitu erabakitzeko. Proiektuak bi helburu ditu: alde batetik, azken urteotan herritarrekin egin diren zuzeneko elkarretaratzeak nola edo hala ordezkatzen saiatzea, osasun-egoeraren erruz ezinezkoa izan baita. Bestetik, herritarrek parte hartzeko bide berri bat aztertu nahi du, eta, egokia balitz, hurrengo urteetan garatuko da gehiago.

Prozesua 2021eko urtarrilaren 15ean, ostiralean, hasiko da, eta urtarrilaren 25era arte egin ahal izango dira proposamenak (bakoitzak egoki leritzon guztiak egin ahal izango ditu). Ondoren, proposamenen bideragarritasuna baloratuko da eta zein bere lehentasuna ezarriko zaio. Amaitzeko, aurrekontuaren barruan sartuko dira, otsailaren 11rako aurreikusitako osoko bilkuran onartzeko.

Zer da?

Labur-labur...

Zuiako Udalak parte hartze prozesu bat jarri du martxan, eta herritarrek erabaki ahal izango dute non inbertitu udal aurrekontuaren zati txiki bat. Ekimen honen bidez, 15.000 euro bideratuko dira Zuiako bizilagunek egindako proposamenak gauzatzeko.

Lehenengo urratsa proposamenak jasotzea izango da. Ondoren, baloratu eta lehenetsiko dira. Azkenik, onartutako proiektuak 2021eko ekitaldiko aurrekontuetan sartuko dira.

Irakurri

ESKOLA KIROLA

Zuiak eskolako udal kirol jarduerei berrekingo die datorren ostegunean, urtarrilaren 14tik aurrera · Udala jarduera bakoitzari eragiten dioten murrizketen berri ematen ari zaie talde ezberdinei

 

Euskadin hartutako azken neurrien arabera, besteak beste eta Intzidentzia-tasa 100.000 biztanleko 500 baino gutxiago duten herrietan soilik, Eusko Jaurlaritzak erabaki du Eskola-kirola berrekiteko baimena ematea, soilik entrenamenduetan.

Entrenamendu horiek gehienez ere sei pertsonako taldetan antolatu beharko dira, osaera aldatu gabe, eta aldagelak ezin izango dira erabili.

Azken neurriei buruzko informazio osoa daukazu hurrengo estekan:

https://www.euskadi.eus/covid-19-koronabirus-berriaren-salbuespenezko-neurrien-araudia/web01-a3covid/eu/

Irakurri

BAKARDADEAK GARAITU ZITUENAK

BAKARDADEAK GARAITU ZITUENAK (Ikuskizuna)
Istoria, dantzak, bertsoak, musika... 

Mikel Etxebarria eta Shuyana Izaga, dantzariak
Felipe Zelaieta eta Rikardo Gonzalez de Durana, bertsolariak
Ardi Ilun Blues Band

Bertara joateko, gonbidapenak hartu beharra dago. HEMEN
 

Irakurri

Urbanismo Feminista

Momentu honetan, Hiri Antolamenduko Plan Orokorraren (HAPO) diseinua egiten ari da, eta hirigintzan ere ezinbestekoa da emakumeen eta gizonen arteko berdintasun-printzipioa sartzea, herria antolatzeko moduak eragin desberdina baitu emakumeengan eta gizonengan.

Horregatik, herri atseginagoa izateko ahalik eta proposamen gehien bildu nahiko genituzke. Horretarako galdetegi hau erantzuten parte-hartu dezakezue!

Galdetegia bete era helbide honetara bidali: berdintasuna@gorbeialdea.eus

 

Irakurri

Zuiako Osasun-zentro berria argia ikustera doa

 

  • Egia bihurtzeko, hamarkada luze batez aritu da lanean udala, eta eraikina dagoen lurrak erosi ere egin behar izan ditu

Duela urtebete baino gehiagotik hona, Zuiako Udalak Osakidetzaren inolako jakinarazpenik jaso ez badu ere, zantzu guztien arabera, laster irekiko da udalerriko Osasun-zentro berria.

"Azken egunetan eraikuntza enpresak eta gremioak desagertu egin dira, udaleko teknikariek ikuskapena egin dute, eta kartelak zentroaren sarreran jarri dira. Nahiz eta informazio ofizialik ez izan, badirudi iritsi dela Zuian azken hamarkada honetan hainbeste borrokatu dugun unea. Gure herritarren lorpen handia da, eta, azkenean, instalazio duinak izango dituzte. Eta albiste ona da zentroko langileentzat, aurrerantzean beren profesionaltasunarekin eta egiten duten lanarekin bat datorren lekua izango baitute ", adierazi du Unai Gutierrez Urkiza alkateak.

Zuiako Osasun-etxe berriak egungo anbulatorioak dituen gabezia larriak konponduko ditu; batez ere, espazio falta. Gune berria Murgian dago, Aiurdin kalean, eta irisgarria da, erabat. 540 metro karratuko azalera du solairu bakar batean, 2 eremutan banatuta: bat Familia edo Lehen Mailako Arretarako eta bestea Arreta Pediatrikorako. Lehenengoan medikuntzarako 2 kontsulta eta erizaindegirako beste 2 eraiki dira. Arreta Pediatrikoan, bestalde, itxarongela bat, orgatxoetarako beste bat, erizaindegiko kontsulta bat, medikuntzarako beste bat eta, azkenik, jolaserako gune bat. Osasun Zentroak herritarren arretarako beste gela komun bat dauka, eta langileen prestakuntza-jardueretarako beste bat. Eta kontuan hartuta Zuia eskualdeko herriburua dela, osasun-etxean Etengabeko Arreta Gunearen (EAG) zerbitzuaren guardiak egin ahal izateko egokitutako instalazioak ere badira. Kanpoaldean
aparkaleku bat eraiki da, anbulantziek eta langileek erabiltzeko. Bertan, hainbat aparkaleku egokitu dira ezgaitasunak dituzten pertsonentzat. Gainerako erabiltzaileek, aldiz, Aiurdin kalean daudenak erabili ahal izango dituzte.

Zuiako Osasun-etxe berria Murgiako erdialdeko lursail batean dago; Zuiako Udalak erosi behar izan zuena, hain zuzen, Osakidetzari lagatzeko. "Gogorarazi nahi dut – amaitzeko dio alkateak – udal honek ahalegin handia egin duela Zuia bere premiekin bat datorren Osasun-zentro batez hornitzeko".


 
Irakurri

EUSKARALDIA: liburu-aurkezpenak Zuian

 

 

EUSKARALDIA hasteko ez da ezer falta: ostiral honetatik aurrera gehiago, gehiagorekin eta gehiagotan egiteko aukera izango dugu.

Zuiako euskara lan taldeak bi hitzordu proposatzen dizkizue, ekimenaren harira:

(GOGOAN IZAN: Euskaraldian izena emateko epea ostegun honetan, azaroaren 19an, bukatuko da. Bete formularioa, eta jaso txapa!)

Irakurri